DENON ARTEAN saria y Sinfonia Kooperatiboa
Euskadiko Kooperatiben Goren Kontseiluaren eginkizun nagusietako bat kooperatibismoa sustatzea eta ezagutaraztea da. Eta horri esker sortu zuten Denon Artean saria.
Sari hau bi aldiz eman da, lehena 2019an, Jose Maria Arizmendiarrieta (in memoriam), MONDRAGON, munduko industria kooperatiba handienaren sortzailea, aintzatetsiz. 2021ean ACIri (Nazioarteko Kooperatiba Aliantza) egokitu zitzaion, eta Ariel Guarco presidenteak jaso zuen sari hori.
Sari hau bi urtean behin ematen da, pertsonek eta erakundeek enpresa-eredu sozialago baten alde egiten duten lana saritzeko, aberastasuna hobeto banatuko duena eta gizartea oro har hobetuko duena. Aurten, hirugarren edizioan, Europako Batzordea izango da saritutako erakundea.
Zeremonia azaroaren 13an izango da, 18: 00etan, Donostiako Kursaal Biltzar Jauregian. Espainiako Gobernuak 2023ko Gizarte Ekonomiaren Espainiako Hiriburu izendatu du Donostia. Ekitaldia, Gizarte Ekonomiaren Europako Goi mailako batzarrean txertatzen da, bertan Euskadiko Orkesta, Goikobalu Arrasateko Abesbatza, Iubilo Bilbao Abesbatza eta Txorbela Otxotea abesbatzek parte hartuko dute, Fernando Velazquez Sinfonia Kooperatiboaren konpositorearen zuzendaritzapean.