Categoría: Sin categoría

Guztira, 12 erakunde finalista saritu zituzten lau kategoriatan, eta 5 agintari, erakunde-sari gisa.

Sariak eta erakundeak

Skills kategoria:

• Lehen saria: Programa Por Talento Digital, de Fundación ONCE (España)
• Lehen finalista: ETRE Schools, de Les écoles ETRE (Francia)
• Bigarren finalista: Programa Radia, por la inclusión digital de la mujer, de Fundación ONCE (España)

Social Innovation kategoria:

• Lehen saria: Vienna Hobby Lobby (Austria)
• Lehen finalista: Energía Ciudadana S. Coop (España)
• Bigarren finalista: Tequio (Francia)

Green Transition kategoria:

• Lehen saria: Energie Solidaire (Francia)
• Lehen finalista: AGRESTA S. COOP. (España)
• Bigarren finalista: Comunitat Minera Olesana (España)

Digitalization kategoria:

• Lehen saria: Panacea Cooperative Research S. Coop (España)
• Lehen finalista: Open Food Network Europe (Italia)
• Bigarren finalista: Kloosiv Housing SCCL (España)

Sari instituzionalak:

Gizarte-ekonomiaren aldeko hainbat agintariren laguntza, sustapena eta defentsa aitortzen dute. Hauek izan ziren sarituak: Gobernuko bigarren lehendakariorde eta jarduneko Lan eta Gizarte Ekonomiako ministro Yolanda Díaz; Bulgariako Lan eta Gizarte Politiketako ministro Ivanka Shalapatova; Alemaniako Klimaren aldeko Ekonomia eta Ekintza Ministerioko Estatu idazkari Sven Giegold; Europako Parlamentu Inter-Ekonomia Batzordeko lehendakari Patrizia Toia

Jatorrizko albistea

Nazioarteko 550 profesional eta aditu baino gehiago elkartu dira Kursaalen, eta jardueren artean, Donostiako Udalak, Estrategia Bulegoaren bidez, antolatutako HIRIAK ETA GIZARTE EKONOMIA: Tokiko buruzagien nazioarteko topaketa saioa nabarmendu da.

Solasaldian hartu dute parte Donostiako, Bordeleko eta Tsukubako alkateek eta Estrasburgoko eta Torres Vedraseko alkateordeek, Barcelona Activa-ko Gizarte Ekonomia zuzendari eta Bartzelonako Udaleko Gizarte Ekonomia, Toki Garapen eta Elikadura Politikako komisario ohi Álvaro Porroren gidaritzapean. Agintariek Gizarte Ekonomiak beren hirietan izandako eragina azaldu dute, eta tokian tokiko arrakasta kasuak partekatu dituzte, enpresa-eredu kolektibo, demokratiko eta solidario hau sustatzeko eta ikusarazteko helburuarekin.

Porroren agurraren ostean, Eneko Goia Donostiako alkateak hartu du hitza, eta gizarte ekonomiak hirian duen garrantziaren berri eman du lurraldeko entitate nagusiei aipamena eginez, hala nola, Gureak enpresa-taldea, Emaus Gizarte Fundazioa, Tecnalia Fundazioa eta Mondragon Korporazioa. “Eredu kooperatiboaren erreferentea gara, industria-dentsitate handiduna. Enpresa-eredu kooperatiboetan tradizio luzea dugu, eta gizarte ekonomiaren balioak oso errotuta daude gure gizartean”. Horren adibide dira enpresa-kultura berri bat sustatzen duen Fabrika proiektua eta gazteen artean ekintzailetza kooperatiboa bultzatzen duen Mondragon Unibertsitatea.

Bordeleko alkate eta Gizarte Ekonomiaren Munduko Foroko presidente Pierre Hurmicek, bestalde, erronka klimatikoaren alorrean Bordeleko Udalak duen berezitasunean jarri du arreta: “Gure ordezkari politiko guztiek erronka horri erantzuteko erantzukizuna dute”. Gainera, hiriko Garapen Agentziaren estrategia aldatu dute, eta lurraldeko baliabideak eta enpresak erakartzen dituen “iman hiria” izatetik, lankidetzan aritzen den eta ikuspegia partekatzen duten enpresei soilik harrera egiten dien udalerria izatera pasa dira.

Japoniako Tsukuba hiriko alkate Tatsuo Igarashik azaldu duenez, bestetik, “gizarte ekonomia” terminoa ez da bereziki ezaguna Japonian, baina Gobernuak onartutako irabazi asmorik gabeko enpresen legeari esker, gizarte ekonomiaren oinarriak garatzea ahalbidetuko duen enpresa-sarea garatu da azken urteetan, eta laster loratzen hasiko da.

Bestalde, Véronique Bertholle Estrasburgoko alkateorde eta Ekonomia, Ogasun, Ekonomia Sustapen eta Turismo arloko arduradunak azaldu duenez, Estrasburgoko Udala hiriko eragileak lehenesten ari da, gizarte-ekitatea sustatzeko. “Gaur egun, gizarte-ekonomiako enpresen % 60k auzo behartsuenetan egiten dute lan, hiriko pobreziaren % 25 biltzen den auzoetan”, gaineratu du.

Ana Umbelino Torres Vedraseko alkateorde eta Gizarte Ekonomiaren aldeko Europako Hiri eta Eskualdeen Sareko presidenteak aipatu duenez, sarearen helburua eragileen arteko elkarrizketa sortzea da, “agintariek beren politiken eragina zein den ikusi dezaten”. Gainera, Portugalgo testuinguruari dagokionez, udalak gizarte-ekonomiarekin lotutako proiektuen garapenean inplikatzeko beharra nabarmendu du, balio horiek maila guztietara hedatu daitezen.

European Social Economy Awards

Topaketa bera eta Gizarte Ekonomiaren alorreko europar zein tokiko eragileek antolatutako jarduera paraleloak bukatutakoan, Konferentziaren azken ekitaldia ospatu da: European Social Economy Awards sarien banaketa-ekitaldia. Saioa Tabakaleran egin da, eta bertan izan dira Gizarte Ekonomiako sektoreko profesionalak eta erakunde nagusietako ordezkariak. Sariak, hain zuzen, Gizarte Berrikuntzaren, Trebetasunaren, Trantsizio Berdearen eta Digitalizazioaren alorretan lan egin duten eragile zein enpresa europarren lana aitortzeko helburua dute.

Informazio gehiago Gailurraren webgunean.

Euskadiko Kooperatiben Kontseilu Gorenak, Kooperatiben Kontseiluak, Europako Batzordeari eman zion Denon Artean Saria, sari horren hirugarren edizioan.

Sariak aitortu egiten du enpresa eredu desberdin baten alde eta sozialagoa den, aberastasuna hobeto banatzen duen eta bidezkoagoa eta justuagoa den enpresa eredu bat lortzeko aritutako pertsonek eta erakundeek egindako lana. 2018An sariaren lehen edizioa, Jose Maria Arizmendiarrietari eman zitzaion saria, hil ondorengo sari gisa, eta 2021ean Nazioarteko Aliantza Kooperatiboari (ACI) eman zitzaion.

Europar Batzordea ordezkatuz, Enpleguko eta Eskubide Sozialetako Europako komisario Nicolas Schmitek jasoko zuen saria “Gizarte Ekonomiari buruzko Europako Konferentzia: Pertsonak, Planeta, Ekintza” ekitaldiaren barruan.

Zeremonian Sinfonia Kooperatiboa interpretatuko zen, salbuespen gisa. Sinfonia hori Humanity At Music kultur proiektuaren parte da eta MONDRAGONek Kooperatiben Kontseiluari eskaini zion une garrantzitsu honetan erabiltzeko, kooperatiben munduko balioak transmititzeko eta ospatzeko.

Fernando Velazquezek zuzendutako orkestra batek interpretatu zuen Sinfonia Kooperatiboa, eta Goikobalu Arrasateto Abesbatzak, Iubilo Bilbao Abesbatzak eta Txorbela Otxoteak ere parte hartu zuten.

Euskal kooperatibismoa, Europako eta munduko erreferentea

Europak ia 180.000 enpresa kooperatibo ditu, 140 milioi kide baino gehiagorekin. Europar Batasunean, zehazki, bost pertsonatik bat kooperatiba bateko kidea da, eta horrek erakusten du ekintzailetza kolektibo, demokratiko eta solidarioaren alde egiten den apustua.

Europar Batasunak gizarte ekonomiari eta kooperatibei egiten dien ekarpena Gizarte Ekonomiaren Europako Ekintza Planean islatzen da. Plan horren bidez, enpresa mota hori haz dadin baldintza onuragarriak bultzatzen dira eta enpresa horien ahalmenari buruzko kontzientzia sortzen da, horren ondorioz kalitatezko enpleguak sortzeko, berrikuntzari laguntzeko eta gizarteratzeko.

Estatuko, Europako eta munduko kooperatiben munduan izaera publiko-pribatuko erakunde bakarra den aldetik, Euskadiko Kooperatiben Goren Kontseiluak euskal kooperatiben mugimendu osoa ordezkatuko du hitzordu honetan.

Kooperatiben Kontseilua duela 40 urte sortu zen, euskal kooperatiben ehunak euskal enpresa sarean duen garrantziagatik. Eta Denon Artean saria dela eta, euskal enpresa kooperatiboek duten indarra erakutsi du berriro ere, Gobernuen, Europako Erakundeen, gobernu autonomikoen, Estatu Kideen, ELGAren, LANEren eta planetako bazter guztietako Gizarte Ekonomiako enpresa liderren aurrean.

Argazki galeria ikusi

KONFEKOOP Nekazaritza eta Elikagaigintzako Sektore Elkarteak Euskadiko nekazaritza- eta elikagaigintza-kooperatibismoaren topagune izan nahi du ordezkatzen eta sutatzen dituen elkarteak, erakunde publikoak eta herritarrak batzeko.

Horretarako, 30 urte baino gehiago daramatza nekazaritzako eta elikagaigintzako kooperatibismoaren hainbat interes-talderekin loturak ezartzen, eta Euskadiko nekazaritzako eta elikagaigintzako kooperatiba-ehuna sendotzea, haztea eta indartzea ahalbidetuko duten beharrak eta aukerak helarazten ditu.

Azaroaren 4an, urtero egiten duen hausnarketa-jardunaldia eta Estatu osan bere esparruan interesgarriak diren proiektuak partekatzeko bisita teknikoa antolatu zituen elkarteak.

Aurten, Donostiako Gizarte Ekonomiaren hiriburutzarekin batera, gogoeta-jardunaldia eta bisita teknikoa Donostian egin ziren, eta Basque Culinary Center zentroa bisitatu zuten.

Deustuko Unibertsitateko Zuzenbide Fakultateak, Ikasketa Kooperatiboen Institutuaren eta Zuzenbide Kooperatiboaren Nazioarteko Elkartearen bitartez, “Sozietate kooperatiboaren erronkak XXI. mendean” kongresu zientifikoa antolatu zuen 2023ko urriaren 25 eta 26an Donostiako campusean.

Topaketaren baitan kooperatibak enpresa demokratiko, arduratsu eta etikoaren eredu direla azpimarratu zen. Enpresa eredu kooperatiboak arreta pertsonengan eta ingurumenean jartzen dute, hazkunde ekonomikoa, justizia soziala, giza eskubide eta askatasunekiko errespetua eta elkartasuna sustatuz eta bultzatuz.

Biltzarrean hainbat agintarik parte hartu zuten: Elena Pérez Barredo, Eusko Jaurlaritzako Lan eta Gizarte Segurantza sailburuordea; Xabier Riezu Arregi, Deustuko Unibertsitateko Donostiako campuseko errektoreordea; Enrique Gadea Soler eta Alberto Atxabal Rada,  Batzorde Zientifiko eta Antolatzaileetako arduradunak; edota José Miguel Gorostiza; Zuzenbideko Euskal Akademiaren ordezkaria.

Programak 3 mahai-inguru nagusi izan zituen, eta horietan hainbat gai jorratu ziren: kooperatibak integratzea eta elkartzea, hazkunde-estrategien bidez merkatuaren erronka eta erronka globalei aurre egiteko mekanismo gisa; kooperatibismoaren eta gizarte-ekonomiaren erronkak Euskadiren begiradatik; eta lehen sektore ekonomikoari kooperatiba formulak egiten diezazkiokeen ekarpenak.

Kongresu hau gaur egungo kooperatibismoaren arazoak aztertzeko gune irekia bihurtu zen, kooperatiben integrazioa, Euskadiko lehen sektoreko kooperatibak eta Gizarte Ekonomia osatzen duten familientzako erronkak aztertzeko elkargunea.

Laborparrek, Espainian Lan Sozietate eta Partaidetuen interesak ordezkatzen eta defendatzen dituen Enpresarien Federazioak, “Lan Sozietatea, GJHen enpresa” jardunaldia antolatu zuen joan den ostiralean, azaroaren 10ean, Miramar Jauregian.

Topaketaren helburua enpresa-eredu horrek, bai eta Gizarte Ekonomia ere, oro har, Garapen Jasangarrien Helburuen lorpenean duen indar eraldatzailea eta protagonismoa azpimarratzea izan zen. Helburu horiek ekintzarako dei unibertsala dira, pobrezia amaitzeko, planeta babesteko eta mundu osoko pertsonen bizitzak eta perspektibak hobetzeko.

Eduardo Madina, Harmon enpresako Estrategia Bazkidea; Víctor Meseguer, Gizarte Ekonomiarako Komisionatu Berezia eta Jokin Díaz, Eusko Jaurlaritzako Gizarte Ekonomiako Zuzendari Nagusia, izan ziren bileran, sektoreko beste ordezkari batzuen artean.

Jardunaldian Mariangélica Martínez Chavezek ere parte hartu zuen, Sutargi gizarteratze- eta laneratze-enpresako zuzendari nagusiak. Bere hitzaldian, “arimadun” proiektuek dinamismo eta errentagarritasun ekonomiko handia ere izan dezaketela erakutsi zuen.

Aurkezpenean parte hartu zuten: Kepa Korta, Donostiako Udaleko Estrategia Bulegoko zuzendaria; Asier Vitoria, EHLABeko lehendakaria; Leire San Jose, Euskal Herriko Unibertsitatea; Ramón Bernal, Lantegi Batuak eta EHLABE Batzordeko zuzendari nagusia; eta Susana Franco, Patricia Cantó eta Mercedes Oleaga Orkestrako ikertzaileak.

Desgaitasuna duten Pertsonentzako Euskal Autonomia Erkidegoko Gizarte eta Lanerako Inklusio Eredua (Eredua, aurrerantzean) duela 40 urte baino gehiago hasi zen garatzen. Eredu horren ezaugarri bereizgarrietako bat da eragile publiko eta pribatuen sare batek lankidetzan egindako lanaren emaitza dela, enpresek, lehiakorrak izateaz gain, ongizate inklusibo eta jasangarria ezaugarri duten gizarteak sortzen lagun dezaketela sinetsita.

Ereduaren erdi-erdian EHLABE-Euskal Herriko Lan Babestuaren Elkartea dago, desgaitasuna duten pertsonen gizarte eta lanerako inklusioa sustatzen duten irabazi asmorik gabeko entitateen euskal elkartea. EHLABEk erakundeekin eta gizarte eragileekin solaskidetza sustatzen eta garatzen du, elkartea osatzen duten entitateekin lankidetzan. Desgaitasuna duten pertsonen enplegagarritasuna eta haien gizarte inklusioa hobetzea du helburu.

Lehiakortasun Koadernoa 4 hausnarketa nagusitan oinarritu da.

1. Zein dira Ereduaren elementu bereziak?
2. Zer erronka eta aukera ondorioztatzen dira «inklusio olatutik»
3. Nola laguntzen dio Euskal Autonomia Erkidegoko ongizate inklusibo eta jasangarria helburu duen lehiakortasunari?
4. Zer erronka eta aukera planteatzen dizkiote Ereduari trantsizio jasangarriek?

Orkestraren webgunean txostena deskargatu daiteke.

Goizeko 11etan hasi ziren iristen lehenengo gonbidatuak Zarauzko Musika Plazara. Ikusmin handia zegoen, 2022ko Bazkide Egunak oso oroitzapen ona utzi baitzien bertaratutakoei. Hori dela eta, aurtengoan, Bilbotik autobus bat antolatu zuen REAS Euskadik Bizkaiko oinarri sozialaren parte-hartzea errazteko.

Lehenengo jarduera, herriko plazan, xumea bezain beharrezkoa izan zen: gosari kolektibo bat, non parte-hartzaile guztiek informazioa trukatu zuten haien eta euren enpresaren inguruan. Aurpegi berri asko zeuden, beraz, lehen hartu-eman hori funtsezkoa izan zen.

Aurkezpenak egin eta gosea asetu ondoren, Zarautzen egoitza duen eXperientziak bazkide berriak, elkar-lankidetza sustatzeko esperientzia ludiko bat antolatu zuen. Esperientzia horretan, taldeka, herriko hainbat saltokitan zehar ikusezina den hariaren bila aritu ziren parte-hartzaileak.

Talde batzuei oso ondo joan zitzaien bilaketa, beste batzuei pixka bat gehiago kostatu zitzaien, baina guztion artean helburua lortu zuten: bidaia honetan, behatzen ikasi zuten, sortzeko, berritzeko, hazteko, lankidetzan aritzeko, abenturak besarkatzeko, ziurgabetasuna bizitzeko, bizirik sentitzeko eta bidearen magian konfiantza izateko esperientziak sentitzea helburu.

Ekimenaren amaieran, malekoira hurbildu ziren parte-hartzaileak bazkaltzera, eta batzuk hondartzan bainatzeko ere aprobetxatu zuten.

Jatorrizko albistea

BIDEO TWEET

Marijose Rodrigok, Gizateako presidenteak, 2022an Gizatean integratutako 41 laneratzeko enpresen magnitude sozioekonomikoak aurkeztu zituen. Nabarmendu zuen aurten inoiz baino enplegu gehiago sortu dela, 1.491 langilerekin, eta horietatik 872 ( % 58) laneratzeko prozesuan dauden pertsonak direla. Gaineratu zuenez, “datuek sektorearen indartzea eta hazkundea erakusten dute”, 48,5 milioi euroko diru-sarrerekin, eta horietatik % 75, 36,4 milioi euro, produktu eta zerbitzuen salmentatik datoz.

Bestalde, Enplegu eta Gizarteratzeko sailburuorde Alfonso Gurpeguik aitortu zuenez, “Gizatea funtsezko eragilea da aukera gutxien dituzten pertsonak gizarteratzeko, eta, gainera, ezinbesteko tresna da euskal gizarte osoaren aurrerapen ekonomikorako, ez baitago aurrerapen ekonomikorik gizarte-kohesiorik gabe“. Gainera, Gurpeguik aurreratu zuen laneratzeko enpresen kalifikazioa arautzen duen dekretu berria datozen asteetan onartuko dute, eta hori ondo hartu zuen laneratzeko enpresen sektoreak.

Jatorrizko albistea irakurri

2022 memoria deskargatu

Irekiera ekitaldian egon ziren Elena Pérez Barredo, Lan eta Gizarte Segurantzako sailburuordea,  Jokin Díaz Arsuaga, Gizarte Ekonomiako zuzendaria eta Enekoitz Etxezarreta, Masterreko zuzendaria eta Gezki-ko kidea.

Honez gain, Carmen Marcuello adituak parte-hartu zuen jardunaldian. Nazioarteko erakundeen aldetik jasotzen ari den babesa dela eta Gizarte Ekonomia eredua egun bizitzen ari den garai oparoa nabarmendu zuen Marcuellok. Honez gain, Gizarte Ekonomia hezkuntza maila guztietan txertatzearen erronkaz hitz egin zuen, Euskadiko eredua balioan jarriz.

Zaragozako Unibertsitateko Enpresen Zuzendaritza eta Antolaketa Saileko katedraduna da Marcuello. 2003. urteaz geroztik, GESES-Zaragozako Unibertsitateko ikerketa taldeko zuzendaria da. Musethicaren sortzaileetako bat 2012an. 2016. urteaz geroztik, Zaragozako eta Teruelgo Caja Ruraleko Unibertsitateko Kooperatiba eta Gizarte Ekonomia Katedra eta Enpleguaren eta Gizarte Ekonomiaren Iberoamerikako Behatokiko (OIBESCOOP) zuzendaria da.

Jarraian, Enekoitz Etxezarreta, Masterreko zuzendaria, Gizarte Ekonomiaz hitz egiten.